दशहरा : भोजपुरी दोहे // -- सौरभ

[Saurabh Pandey]

जोन्ही भर के जोर पर, चिहुँकल छनकि अन्हार
ढिबरी भर के आस ले, मनवाँ सबुर सम्हार

रहि-रहि मन अकुतात बा, दुअरा लखन-लकीर 
सीता सहमसु चूल्हि पर, बाया-बाया पीर

दर-दर भटकसु रामजी, रावन बड़हन पेट
चहुँप अजोध्या जानकी, भइली मटियामेट

तुलसी देई पूरि दऽ, भाखल अतने बात
बंस-बाँस के सोरि पर, कसहूँ नति हो घात

हमरो राजाराम के, लछमन भइले लाल
अँगना-दुअरा-खेत पर, सहमत लागो चाल

*********************************************

(मौलिक व अप्रकाशित)

शब्दन के भावार्थ -

[जोन्ही - सितारे ; चिहुँकल - चौंकना ; छनकि - चट् से, छिनक कर ; अन्हार - अँधेरा ; सबुर - धीरज ; अकुताना - चंचल होना ; दुअरा - द्वार पर ; लखन-लकीर - लक्ष्मण-रेखा ; सहमसु - सहमती हैं ; चूल्हि - चूल्हा ; बाया-बाया - रोम-रोम ; पीर - दर्द, पीड़ा ; बड़हन - बहुत बड़ा ; चहुँप - पहुँच ; देई - देवी ; पूरि दऽ - पूरा कर दो ; भाखल -  भाखा हुआ, मनता माना हुआ ; अतने - इतना ही ; सोरि - जड़, मूल ; नति हो - मत हो ; घात - षड्यंत्र, आघात ; सहमत लागो चाल - मतैक्यता बनी रहे ]

[SURENDRA KUMAR SHUKLA BHRAMAR]

आदरणीय सौरभ जी बहुतइ नीक लागल ...
भोजपुरी की मिठास मन में घर कर गयी ..देशज भाषा ऐसे ही बचायी जाए तो आनंद और आये सुन्दर रचना ..चहुंप ...देई..पूरि द सुन बहुत अच्छा लगा ...छठ पर आप की रचना का इन्तजार होगा
आभार
भ्रमर ५

[Saurabh Pandey]

आपका सादर धन्यवाद, आदरणीय सुरेंद्र भ्रमरजी. 

आपको मेरे भोजपुरी दोहे रुचिकर लगे यह मेरे लिएभी संतोष की बात है. रचनाकर्म सकर्मक हुआ.

सादर

[Er. Ganesh Jee "Bagi"]

कई बेर इ दोहन के पढ़ चुकल बानी आजू फेरु निमन से एहमे डुबनी आ उतरईईनी ह, हर बेरु ओतने निक लागत बा, शब्द शब्द मे जेवन माटी के खाटी महक बा उ वोइसने लागत बा जैइसे खूब घाम से तपल धरती प बरखा होखला प महकेला |
बहुते निक लागल ई प्रस्तुति, बहुत बहुत बधाई और शुभकामना बावे |
सादर |

[Saurabh Pandey]

//माटी के खाटी महक बा, उ वोइसने लागत बा जइसे खूब घाम से तपल धरती प बरखा होखला प महकेला//

ओह ! अद्भुत उपमा ! निकहा खाँटी !

करेड़ तातल माटी पर परत बुनी से उमगल सोन्ह सुबास के नरम-नरम झोंका सउँसे छाती में भरि गइल !

दोहन के रुचला के निकहा हिरदा से धन्यवाद..

[रामनाथ 'शोधार्थी']

वाह वाह वाह...बहुत मजा आया...क्या कहने आ. सौरभ पाण्डेय जी...

रहि-रहि मन अकुतात बा, दुअरा लखन-लकीर  
सीता सहमसु चूल्हि पर, बाया-बाया पीर ......................बड़ा निक लागल...ई दोहा...राउर बहुते आभारी बानी....नमन...!!!!!!

[Meena Pathak]

दर-दर भटकसु रामजी, रावन बड़हन पेट 
चहुँप अजोध्या जानकी, भइली मटियामेट 

तुलसी देई पूरि दऽ, भाखल अतने बात 
बंस-बाँस के सोरि पर, कसहूँ नति हो घात //

भोजपुरी मिठास लिहले बहुते सुन्दर रचना | बधाई रउआ  के | सादर