हँस मत पगली ना त प्यार हो जाई

[Bishwajit yadav]

नैना लडी त दिल के बुखार हो जाई
हँस मत पगली ना त प्यार हो जाई

भुखीयाँ प्यास तोहरा नाही लागी
सुतलो मे ई तोहार अखीयाँ जागी
हर चेहरा मे उनके दिदार हो जाई
हँस मत पगली ना त प्यार हो जाई

अभी तु हसत बाडू त हँस ल
खुशीयाँ के झोरा बोरा मे कस ल
ना त कबो असुअन के बोछार हो जाई
हँस मत पगली ना त प्यार हो जाई

ऐनक मे मुहवाँ के बार बार निहरबु
केशीयन के पकड के बार बार झरबु
ओढनीयाँ उडाव नाही ना त मार हो जाई
हँस मत पगली ना त प्यार हो जाई

[PRADEEP KUMAR SINGH KUSHWAHA]

भाई बिस्वजीत जी, सादर 

बहुत नीक गीत लिखेलू . मनवा नाचे लागेला 

बधाई.

[Raju]

bahut badhiya ...

[आशीष यादव]

बढ़िया लिखले बाड़ा भाई। सही कहला, हँसी त साँचो प्यार हो जाई आ बोखार हो जाई।

[SURENDRA KUMAR SHUKLA BHRAMAR]

हर चेहरा मे उनके दिदार हो जाई
हँस मत पगली ना त प्यार हो जाई

भाई विश्वजीत जी बहुत प्यार झलकत बा .....ई है होत है प्यार में  ...प्यारी रचना ...बधाई  

भ्रमर ५ 

 

[Bishwajit yadav]

प्रदिप जी,अशीष भाई,राजु जी,सुरेन्द्र जी आप सबके बहुत बहुत धन्यवाद बस रऊआ सब से ईहे कहम कि आपन प्यार स्नेह और आशीरवाद बनईले रही जा

[Er. Ganesh Jee "Bagi"]

विश्वजीत भाई गर्दा गीत बा, ठेठ भोजपुरी शब्दन के चयन राउर रचना में चार चान लगावत बा, बधाई स्वीकार करीं |

[Bishwajit yadav]

गणेश भईया बहुत बहुत धन्यवाद हमार रचना आप के नीमन लागल..........हम इ गीत के जल्दी ईगो भोजपुरी लोकगीत के एल्बम रिकॉर्ड कयेले बनी जब इ पूरा हो जाये त हम उ गीत रउरा के भेजम ......