"हर सिम्त वो है फैला हुआ याद आ गया
ज़ाहिद को मयकदे में ख़ुदा याद आ गया
इस जगमगाती शह्र की हर शाम है…"
"ओ बी ओ भोजपुरी काव्य प्रतियोगिता" अंक-1
भोजपुरी साहित्य प्रेमी लोगन के सादर प्रणाम,
जइसन कि रउआ लोगन के खूब मालूम बा, ओपन बुक्स ऑनलाइन परिवार अपना सुरुआते से साहित्य-समर्थन आ साहित्य-लेखन के प्रोत्साहित कर रहल बा ।
एही कड़ी में भोजपुरी साहित्य-लेखन विशेष क के काव्य-लेखन के प्रोत्साहित करे के उद्येश्य से रउआ सभ के सोझा एगो अनूठा आ अंतरजाल प भोजपुरी-साहित्य के क्षेत्र में अपना तरहा के एकलउता लाइव कार्यक्रम ले के आ रहल बा जवना के नाम बा "ओबीओ भोजपुरी काव्य प्रतियोगिता"
तीन दिन चले वाली ई ऑनलाइन प्रतियोगिता तिमाही होखी, जवना खातिर एगो विषय भा शीर्षक दिहल जाई । एही आधार प भोजपुरी भाषा में पद्य-रचना करे के होखी । एह काव्य प्रतियोगिता में रउआ सभे अंतरजाल के माध्यम से ऑनलाइन भाग ले सकत बानी अउर आपन भोजपुरी पद्य-रचना के लाइव प्रस्तुत क सकत बानी । साथहीं, प्रतिभागियन के रचना पर आपन मंतव्य दे सकत बानीं भा निकहा सार्थक टिप्पणी क सकत बानी |
जे सदस्य प्रतियोगिता से अलग रह के आपन रचना प्रस्तुत कईल चाहत बाड़े, उनुकरो स्वागत बा, आपन रचना "प्रतियोगिता से अलगा" लिख के प्रस्तुत कर सकेलें |
पहली प्रतियोगिता के विषय : "आपन देस"
अवधि : प्रतियोगिता दिनांक 24 जनवरी बियफे (गुरूवार) लागते सुरु होखी आ 26 जनवरी दिन शनिचर के रात 12 बजे ख़तम हो जाई ।
पुरस्कार :
त्रि-सदस्यीय निर्णायक मण्डल के निर्णय के आधार प विजेता रचनाकारन के नाँव के घोसना कइल जाई ।
प्रथम - रु 1001/- अउर प्रमाण पत्र
द्वितीय - रु 551/-अउर प्रमाण पत्र
तृतीय - रु 501/-अउर प्रमाण पत्र
पुरस्कार राशि (भारत में भुगतेय चेक / ड्राफ्ट द्वारा) अउर प्रमाण पत्र, खलिहा भारत के पता प भेजल जाई ।
पुरस्कार के प्रायोजक
(1) Ghrix Technologies (Pvt) Limited, Mohali
A leading software development Company
(2) गोल्डेन बैंड इंटरटेनमेंट (G-Band)
(A leading music company)
H.O.F-315, Mahipal Pur-Ext. New Delhi.
नियम
1- रचना भोजपुरी भाषा में होखे के चाहीं |
2- रचना के कथ्य आ लिहाज अइसन होखे जे सपरिवार पढ़ल आ सुनल जा सके ।
3- रचना "मौलिक आ अप्रकाशित" होखे के चाहीं । माने रचना केहू दोसर के ना आपन लिखल होखे अउर रचना कवनो वेब साईट चाहे ब्लॉग पर पहिलहीं से प्रकाशित नत होखे ।
4- प्रतिभागी कवि आपन रचना काव्य के कवनो विधा में अधिका से अधिका कुल तीन हाली दे सकत बाड़न । ध्यान अतने राखे के बा जे रचना के स्तर बनल रहे । माने अधिका लिखे का फेरा में रचना के गुणवत्ता ख़राब नत होखे |
5- बेकार अउर नियम विरुद्ध रचना बिना कवनो कारण बतवले मंच संचालक / ओबीओ प्रबंधन दल द्वारा हटावल जा सकेला ।
6- अबही Reply बॉक्स बंद रही जवन ठीक कार्यक्रम प्रारंभ होत यानी तारीख 24 जनौरी लागते खोल दियाई अउर 26 जनौरी खतम भइला प बंद क दीहल जाई |
7- अगर रउआ कवनो कारने आपन रचना समय से पोस्ट करे में असमर्थ बानीं त आपन रचना ई-मेल के जरिये admin@openbooksonline.com पर भेज दिहीं | राउर रचना एडमिन OBO का ओर से राउर नाँवें पोस्ट क दीहल जाई । ओइसे कोशिश ईहे करीं जे राउर रचना रउए पोस्ट करीं । ई सुविधा खलसा ओबीओ सदस्य लोगन खातिर बा ।
8- जौन रउआ अबहीं ले ओपन बुक्स ऑनलाइन परिवार से नईखी जुड़ल त www.openbooksonline.com पर जाके sign up कइ OBO के मुफ्त सदस्यता ले लिहीं आ भोजपुरी साहित्य समूह के ज्वाइन करीं |
9- अधिका जानकारी खातिर रउआ मुख्य-प्रबंधक के ई-मेल admin@openbooksonline.com पर मेल करीं । चाहे मोबाइल नंबर 09431288405 पर संपर्क क सकत बानीं |
मंच संचालक
सतीश मापतपुरी
(प्रबंधक भोजपुरी साहित्य समूह)
ओपन बुक्स ऑनलाइन डॉट कॉम
Views: 10342
Replies are closed for this discussion.
Replies to This Discussion
-
Permalink Reply by Brij bhushan choubey on
-
बहुत ही गंभीर व्यंग के उकेरत कविता कुछ सोचे पर मजबूर कर रहल बिया का सही में कुछ मिलत बा की खली फुसिलावल जाता ।
-
-
सदस्य टीम प्रबंधनPermalink Reply by Saurabh Pandey on -
ओइसना व्यंग्य त ना, बाकिर तलफत सवाल करत सोझ इशारा जरुरे करत बा ई रचना. भाई बृजभूषणजी, रचना के लहजा रुचल, एह खातिर हम धन्यवाद कहि रहल बानीं.
-
-
Permalink Reply by satish mapatpuri on
-
आपन देस नक्से भर ले ना ह.. . सुनावल जाता
मनई-मनई से जतावल जाता
बाकिर, देस.. आ देस के गत
कागजे प
चिचरिये में
खोनावल जाता.. मोनावल जाता
खेल ई बनल रहो
मनई के पेट सोन्हावल जाता
अइसहीं
साठ-पैंसठ बरीस से
एगो देस बढ़ावल जाता.. .... अरे ... अइसन बरियार रचना ....... रचना अउरी रचनाकार दुनु सलाम . बहुते नीमन प्रस्तुति आदरणीय सौरभ जी ... बहुते नीमन . दाद कबुलीं . -
-
सदस्य टीम प्रबंधनPermalink Reply by Saurabh Pandey on -
आदरणीय सतीशभाईजी, रउआ एह रचना के शैली आ लिहाज रुचल ई हमार प्रतिष्ठा ह.
सादर
-
-
Permalink Reply by ashutosh atharv on
-
चुनावी होली गीत.................................................................................
बहलइ चुनावी बयार अहो लाला ,बहलइ चुनावी बयार
किनकर किस्मत जीत लिखल हे औ किनकर किस्मत हारअहो लाला बहलइ चुनावी बयारपार्टी के किस्मत जीत लिखल हे औ अपन देशवा के किस्मत हारभाड़े के बल पर भीड़ जुटल हे औ नेता गरजे गला फाड़अहो लाला बहलइ चुनावी बयारकिनकर किस्मत जीत लिखल हे औ किनकर किस्मत हारनेता के किस्मत जीत लिखल हे औ जनता के किस्मत हारअहो लाला बहलइ चुनावी बयारनेता के घर में होली मनल हे औ जनता के घर चित्कारअहो लाला बहलइ चुनावी बयार -
-
मुख्य प्रबंधकPermalink Reply by Er. Ganesh Jee "Bagi" on -
सुन्दर रचना के प्रारंभ भईल बा , बाकि 2-3 गो अउर बंद चाहत रहल हा , भा इ कही कि मन झुझुआ गईल :-)
बधाई एह प्रस्तुति पर आदरणीय आशुतोष अथर्व जी ।
-
-
-
छोट बाकिर मोट ...... गीत छोट बा बाकिर असर मोट बा . तनिका लमहर रहित त मजा अउरी बढ़ जाइत . सुघर अउरी सामयिक होली गीत बदे बधाई आशुतोष जी .
-
-
सदस्य टीम प्रबंधनPermalink Reply by Saurabh Pandey on -
जोगिरा लहजा में प्रस्तुत भइल एह रचना खातिर बहुत-बहुत बधाई, आशुतोषभाई. माघहिं माह में फगुनहट बहावे खातिर लाख-लाख धन्यवाद. बाकिर तिनिये गो बंद काहें भाईजी ?
बढल रहीं.. बनल रहीं.. .
-
-
Permalink Reply by Mridula Shukla on
-
रहट रहा खेत में
और कोल्हू सिवान मे
रात भर रखावे खेत
बैठी के मचान में
पेट में न अन्न जुरै
देहि पे न नरखा
प्रेम औ पिरिति रही
रीति रही, नीति रही
तब जीऊ अहान में
का इहै ऊ गाँव या
का इहै ऊ देस या
गाँव गाँव बिजुरी के
अञ्जोर चौधियात बा
मकुनिऔ का को कोंचा ना
जुहात रहा जेकेर ,
तीन जूनि दाल रोटी
साग और भात बा ,
हर नाए हेंगा नाए
फर नाए बर्द नाए
थ्रेसर और ट्रेक्टर बा
खेत खलिहान बा ,
ऐका अंजोर कही या की अँधियार कही ?भूली गएँ रीती निति
प्रेम पिरीती निति
केऊ किहुसे बोले ना ,
क़ेऊ दुआरे डोले ,
साझें से कुलि जवाँर
देखत बिग बॉस बा ,
का इहै ऊ गाँव या
का इहै ऊ देस या ?
-मृदुला शुक्ला -
-
मुख्य प्रबंधकPermalink Reply by Er. Ganesh Jee "Bagi" on -
शहर अउर गाँव के तुलना एह रचना के माध्यम से आदरणीया मृदुला शुक्ला जी, निकहा कईले बाड़ी, रचना निमन लागल , बधाई सवीकार होखे ।
-
-
-
सुघर रचना मृदुला जी . गाँव अउरी गवइं लोगन के सुन्नर चितरन . राउर रचना के इन्तजार रहे मृदुला जी.आदर सहित बधाई.
-
-
सदस्य टीम प्रबंधनPermalink Reply by Saurabh Pandey on -
मृदुलाजी, राउर पहिलुकी रचना भलहिं भूलवश प्रस्तुत भइल रहे, बाकिर ओकर कम्पनसेसन एह रचना के रूप में निकहा भइल बा. ’ओह दिन’ के गाँव-जवार आ ’एह दिन’ के ह्गाँव-जवार के तुलानात्मक सोच-बिचार करत ई रचना बहुत कुछ खोल रहल बा. रचना में गाँव-गँवई, खेत-खलिहान के चीझु के जवना ढंग से नाम लीहल बा ऊ रोमांचित क रहल बा.
राउर आउर-आउर रचना के बेअब्री से इंतज़ार रही.
एगो उम्दा रचना बदे बहुत-बहुत धन्यवाद.
-
कृपया ध्यान दे...
आवश्यक सूचना:-
1-सभी सदस्यों से अनुरोध है कि कृपया मौलिक व अप्रकाशित रचना ही पोस्ट करें,पूर्व प्रकाशित रचनाओं का अनुमोदन नही किया जायेगा, रचना के अंत में "मौलिक व अप्रकाशित" लिखना अनिवार्य है । अधिक जानकारी हेतु नियम देखे
2-ओपन बुक्स ऑनलाइन परिवार यदि आपको अच्छा लगा तो अपने मित्रो और शुभचिंतको को इस परिवार से जोड़ने हेतु यहाँ क्लिक कर आमंत्रण भेजे |
3-यदि आप अपने ओ बी ओ पर विडियो, फोटो या चैट सुविधा का लाभ नहीं ले पा रहे हो तो आप अपने सिस्टम पर फ्लैश प्लयेर यहाँ क्लिक कर डाउनलोड करे और फिर रन करा दे |
4-OBO नि:शुल्क विज्ञापन योजना (अधिक जानकारी हेतु क्लिक करे)
5-"सुझाव एवं शिकायत" दर्ज करने हेतु यहाँ क्लिक करे |
Latest Blogs
Latest Activity
- Top News
- Everything
"विकास जोशी 'वाहिद'
तन्हाइयों में रंग-ए-हिना याद आ गया
आना था याद क्या मुझे क्या याद आ…"
"ग़ज़ल
जो दे गया है मुझको दग़ा याद आ गयाशब होते ही वो जान ए अदा याद आ गया
कैसे क़रार आए दिल ए…"
"221 2121 1221 212
बर्बाद ज़िंदगी का मज़ा हमसे पूछिए दुश्मन से दोस्ती का मज़ा हमसे पूछिए १
पाते…"
"आदरणीय महेंद्र जी, ग़ज़ल की बधाई स्वीकार कीजिए"
"खुशबू सी उसकी लाई हवा याद आ गया,
बन के वो शख़्स बाद-ए-सबा याद आ गया।
वो शोख़ सी निगाहें औ'…"
"हमको नगर में गाँव खुला याद आ गयामानो स्वयं का भूला पता याद आ गया।१।*तम से घिरे थे लोग दिवस ढल गया…"
"221 2121 1221 212
किस को बताऊँ दोस्त मैं…"
"सुनते हैं उसको मेरा पता याद आ गया
क्या फिर से कोई काम नया याद आ गया
जो कुछ भी मेरे साथ हुआ याद ही…"
"ओबीओ लाइव लघुकथा गोष्ठी" अंक-127 (विषय मुक्त)
आदरणीय साथियो,सादर नमन।."ओबीओ लाइव लघुकथा गोष्ठी" में आप सभी का हार्दिक स्वागत है।प्रस्तुत…See More
सदस्य टीम प्रबंधनSaurabh Pandey commented on मिथिलेश वामनकर's blog post ग़ज़ल: मिथिलेश वामनकर
"सूरज के बिम्ब को लेकर क्या ही सुलझी हुई गजल प्रस्तुत हुई है, आदरणीय मिथिलेश भाईजी. वाह वाह वाह…"
कुर्सी जिसे भी सौंप दो बदलेगा कुछ नहीं-लक्ष्मण धामी "मुसाफिर"
जोगी सी अब न शेष हैं जोगी की फितरतेंउसमें रमी हैं आज भी कामी की फितरते।१।*कुर्सी जिसे भी सौंप दो…See More
© 2025 Created by Admin.
Powered by
