भोजपुरी ग़ज़ल ( गणेश जी "बागी" )

[Er. Ganesh Jee "Bagi"]

भोजपुरी ग़ज़ल

ठेस जब दिल पर न लागल, मन अकुलाईल काहे |
बात जब कुछुओ न रsहल, आँख लोराईल काहे ||

फांस लालच के फईलल बा, मना ओहर ह जाइल |
बात सभके समझ आइल, लोग अझुराईल काहे ||

सबुर से बड़हन नईखे, केवनो दउलत जहां में |
मिलल एगो रोटी जे कम, मन झुझूआईल काहे ||

ऊ करेले प्यार तहरा से, कहत रहलs सभे से |
बोललs जे आई लव यू, फेर खिसिआईल काहे ||

जनम लेवे से पहिले, मार दिहलs बिटियन के |
अब पतोहू ना मिले, तs मन बघूआईल काहे ||

• गणेश जी "बागी" 

ग़ज़ल सुने खातिर प्ले (>) बटन पर चटका लगाईं ....

हमार पिछुलका पोस्ट => एगो प्रयोग : भोजपुरी घनाक्षरी

[आशीष यादव]

बागी जी, भोजपुरी साहित्य श्री में ई ग़ज़ल बस बढ़ोत्तरी न करत बिया बलुक बहुत बढ़िया स्थानों राखत बिया| अंतिम वाला शे'र त बहुत सुघर बा|
बहुत बहुत धन्यवाद|

[Er. Ganesh Jee "Bagi"]

बहुत बहुत धन्यवाद भाई आशीष जी, अंतिम वाला शे'र हमहू के बहुत निक लागल | 

[विवेक मिश्र]

/बात जब कुछुओ न रsहल, आँख लोराईल काहे/

कबो-कबो अइसनो हो जाला कि अचानके से कौनो पुरान घटना आ चांहें केहू याद आ जाई, आ फेन, बिना कौनो बाते के आँख से टप-टप लोर गिरे लागी. ओ मनोदशा के सन्दर्भ में राउर इ पंक्ति एकदम सटीक बईठ$ तिया.

 

/बात सभके समझ आइल, लोग अझुराईल काहे/

"लालच बड़ा बेकार चीज़ ह" इ बात पता ता सबकरा रहेला. लेकिन तबो लोग अझुराईल रहेला. का करब, कूल मोह-माया के चक्कर ह$.. :P

 

/ऊ करेले प्यार तहरा से, कहत रहलs सभे से |
बोललs जे आई लव यू, फेर खिसिआईल काहे ||/

एही से कहात रहे कि पहिले कनफरम क$ लीं, लेकिन रऊआ मनबे ना कईनी (अइसहीं 'बागी' नाम थोड़े धरा गईल बा..:)), त$ ऊ त खिसियईबे करिहें.

कूल मिलाके हम त इहे कहम कि इ ग़ज़ल ना ह$ ए भाई.. इ त$ बवाल ह बवाल. बधाई स्वीकार कईल जाऊ.

जय हो!

[Er. Ganesh Jee "Bagi"]

विवेक भाई बहुत बहुत धन्यवाद बा रौआ के, रौआ जईसन कुवार लोगके तनी ध्यान देवे के जरुरत बा, आई लव यू तनी सोच समझ के ही बोलब जा :-))))

[Shanno Aggarwal]

गणेश, भोजपुरी में मैंने ये पहली गज़ल पढ़ी है...बहुत बढ़िया...बधाई !

 

''जनम लेवे से पहिले, मार दिहलs बिटियन के |
अब पतोहू ना मिले, तs मन बघूआईल काहे ||''

[Er. Ganesh Jee "Bagi"]

शन्नो दीदी, आपका आभार | 

[Neelam Upadhyaya]

Bagi ji, Namaskar.  Bhojpuri gajal bahut badhiya lagal ha...bahut badhayee.

[Er. Ganesh Jee "Bagi"]

प्रणाम बहिन, बहुत बहुत धन्यवाद |

[Rajeev Mishra]

बहूते सुनर बहूते निमन साधुवाद बा भाई जी के रौरा लेखनी के सलाम !

[Er. Ganesh Jee "Bagi"]

Dhanyavaad Bhai Rajeev Jee.

[mohinichordia]

अंतिम  पंक्तियों में गजल सार्थक हो गई |

[Er. Ganesh Jee "Bagi"]

आपकी टिप्पणी के पश्चात् वास्तव में ग़ज़ल सार्थक हो गई, बहुत बहुत आभार आदरणीया मोहिनी जी,