भोजपुरी ग़ज़ल ( गणेश जी "बागी" )

[Er. Ganesh Jee "Bagi"]

भोजपुरी ग़ज़ल

ठेस जब दिल पर न लागल, मन अकुलाईल काहे |
बात जब कुछुओ न रsहल, आँख लोराईल काहे ||

फांस लालच के फईलल बा, मना ओहर ह जाइल |
बात सभके समझ आइल, लोग अझुराईल काहे ||

सबुर से बड़हन नईखे, केवनो दउलत जहां में |
मिलल एगो रोटी जे कम, मन झुझूआईल काहे ||

ऊ करेले प्यार तहरा से, कहत रहलs सभे से |
बोललs जे आई लव यू, फेर खिसिआईल काहे ||

जनम लेवे से पहिले, मार दिहलs बिटियन के |
अब पतोहू ना मिले, तs मन बघूआईल काहे ||

• गणेश जी "बागी" 

ग़ज़ल सुने खातिर प्ले (>) बटन पर चटका लगाईं ....

हमार पिछुलका पोस्ट => एगो प्रयोग : भोजपुरी घनाक्षरी

[Dr.Prachi Singh]

बहुत सुन्दर भोजपुरी ग़ज़ल लिखी है आदरणीय गणेश जी, और आपकी आवाज की मधुरता इसमें चार चाँद लगा रही है. हार्दिक बधाई इस सुन्दर ग़ज़ल के लिए. सादर