दिवाली : पाँच दोहे (भोजपुरी).. . // सौरभ

[Saurabh Pandey]

नकबेसर के टोह में, अँगुरी मींजे रात ।
उहे दिवाली आजु ले, सिहरन पारे बात ॥

जम-दीया आ सूप से, भइल दलिद्दर दूर ।
पुलक गइल घर-देहरी, जगर-मगर भरपूर ॥

तुलसी माई साधि दऽ, पितरन के मरजाद।
नेह-छोह के सीत में, कोठ रहे आबाद ॥

कूहा तान दुआर पर, मावस ओदे भोर ।
मनल दिवाली राति भर, दियरी पोछसु लोर ॥

आस-हुलासा का जिओ, मन-खूँटी बरियार ।
भगजोगनी क फेर में, बाउर भइल अन्हार ॥

*******************

--सौरभ

******************

नकबेसर - नाक में पहना जाने वाला आभूषण ;टोह - खोज ; मींजना - मसलना ; पारना - याद दिलाना ; 

जम-दीया - यम के नाम का दीप ; आ - और ; सूप - बाँस की फट्टियों से निर्मित अनाज फटकने हेतु प्रयुक्त ; भइल - हुआ ; दलिद्दर - दरिद्रता ; पुलक गइल - हर्षित हुआ ;    
माई - माता ; साधि दऽ - साध दो, व्यवस्थित कर दो ; पितरन के - पितरों का ; मरजाद - मर्यादा, सीमायें, (यहाँ ’अपेक्षाओं’ को साधने के संदर्भ में लिया गया है) ; नेह-छोह - स्नेह-दुलार ; सीत - ओस ; कोठ - बाँस और वंश का उद्गम
कूहा - कुहासा ; तान - तानना ; दुआर - द्वार, घर के सामने, बाहर का ; मावस - अमावस ; ओदना - नम करना, तर करना, भिगोना ; दियरी - मिट्ट्छोटा दीया, पोछसु - पोछती है ; लोर - आँसू ;

जिओ - जिये ; बरियार - मज़बूत ; भगजोगनी - जुगनू ; फेर में - किसी के कारण ; बाउर - दोषी ; भइल - हुई ; अन्हार - अधेरा ;

[Er. Ganesh Jee "Bagi"]

सभे दोहा सुनर लगे, बहुत बहुत आभार,

चमके खूब भोजपुरी, हिय के चाह हमार |

वाह सौरभ भईया वाह, देवारी के दिया आजे जगमग कर दिहनी रउआ, सभे दोहा बहुते नीमन लागल, बधाई हमार सवीकार करी |

[Saurabh Pandey]

भाई गणेश जी, एह मंच पर भोजपुरी में हमार ई कवनो प्रथम पद्य-प्रस्तुति ह.  एह से राउर हार्दिक बधाई मन के तनि अलगे मगन कइले बा. 

हम दोहा में प्रयुक्त कई-एक शब्दन के अर्थ लिख के फेर से प्रस्तुत क रहल बानी, जेसे भोजपुरी जननिहारन भा नीम जननिहारन के इचिको सँकेता नति होखे.

रचना पर उत्साहवर्द्धन कइला खातिर हृदय से धन्यवाद.

[PRADEEP KUMAR SINGH KUSHWAHA]

आदरणीय गुरुदेव  दीवन का त्यौहार

तू लिखली हम बंचली करता  राम जुहार 

दिवाली मुबारक.

[Saurabh Pandey]

आदरणीय प्रदीप जी, आपके हमार एह प्रस्तुति पर बधाई दीहल बड़ा नीक लागल.

सादर