"आदरणीय लक्ष्मण धामी जी प्रस्तुति को मान देने का दिल से आभार आदरणीय जी ।हार्दिक आभार "
अइसन बुझात बा
जनलो -चिन्ह्लको लोग आज कतरात बा I
दिन आपन लद गइल अइसन बुझात बा I
दिन -रात पाछे -पाछे काल्ह तक जे लागल रहे I
उहो आज हमरा के देखिके परात बा I
हमसे उ मिले अइहन जबसे सनेस मिलल I
तबे से ना जानें काहें मन घबरात बा I
सबसे खेलाड़ी बड़का होला बखत भईया I
काल्ह तक जे हंसत रहे आज गिड़गिड़ात बा I
देखते -देखत आइल केस में सफेदी I
हौले -हौले लागता बुढ़ापा नियरात बा I
गीतकार -- सतीश मापतपुरी
Views: 1086
Replies to This Discussion
-
मुख्य प्रबंधकPermalink Reply by Er. Ganesh Jee "Bagi" on -
सबसे खेलाड़ी बड़का होला बखत भईया I
काल्ह तक जे हंसत रहे आज गिड़गिड़ात बा I
सतीश भईया, बड़ी जोरदार भोजपुरी ग़ज़ल लिखला हो, बेजोड़ बा, समय सबसे बड़हन खेलाड़ी होला, और बुढ़ापा नियरात बा, इ शे'र त बहुत नीक कहनी रौआ, बधाई स्वीकार करी |
-
-
Permalink Reply by satish mapatpuri on
-
गणेश जी, रउवा जब तक हमरा रचना पर टिपण्णी ना करिलां, तब तक हम रउवे बारे में सोचत रहिलां. सराहना बदे साधुवाद.
-
-
सदस्य टीम प्रबंधनPermalink Reply by Saurabh Pandey on -
भाई सतीशजी,
कहनाम ई पुरान हऽ बाकिर कतना साँच हऽ जे कवनो बात जब हिरदा से निकलो त ओकर असर सुनेवाला के महज़ मने ना सोझ ओकर अंतरमन प होला. राउर ई भोजपुरी ग़ज़ल पर आज हमार नज़र पड़ल आ, साँच कहीं, हमार आजु के बिहान मनसायन भइल चमक रहल बा. एक-एक शेर के कहन आ ओकर तासीर, भाईजी, निकहा मुलामियत से छू रहल बा. हम कवनो ग़ज़ल के शिल्प आदि पर कुछऊ कहे के अधिकारी नइखीं, बाकिर, ग़ज़ल के कुल्हि शेरन के भाव पर आपन विचार साझा करे से ना रहि पाइब.
कोमल भाव आ मजगर शब्दन के मणिकाञ्चन मिलान पर पहिले हमार बधाई आ आदर स्वीकार कइल जाओ.
जनलो -चिन्ह्लको लोग आज कतरात बा I
दिन आपन लद गइल अइसन बुझात बा I
अहा हा ! ग़ज़ब के तासीर आ भाव के कतना भारी वज़न ! राउर ई मतला अनदिना में प्रयुक्त होखे वाला मसल के काबिलियत राखत बा. मन त बस इहँवे से मुग्ध हो गइल बा.
दिन-रात पाछे -पाछे काल्ह तक जे लागल रहे I
उहो आज हमरा के देखि के परात बा I
वाह भाईजी ! पहिले त एह शब्द ’पराये’ पर हमार बधाई लीहीं. अनदिना जउरे-जउरे, पाछा-पाछा लागल रहे वाला के मुँह मोड़ाई ओकर परा जाये से कम ना होखे. का दर्द के रेख बा. वाह.
हमसे उ मिले अइहन जबसे सनेस मिलल I
तबे से ना जानें काहें मन घबरात बा I
एह शेर में रउआ कौ तरह के बात कतना असानी से कहले बानी ई खलसा बूझे भर के बात बा. केहू के एह कहन में रुमानियत के मुलामियत लउकी त केहू के एही कहन में रोजीना के व्यवहार पर निकहा इसारा बुझाई. बहुत सफल शेर.
सबसे खेलाड़ी बड़का होला बखत भईया I
काल्ह तक जे हंसत रहे आज गिड़गिड़ात बा I
एकदम सही, भाईजी. बखत के कुल्हिये ग़ुलाम. एही का मारे कहल गइल बा जे कबो नाँव प गाड़ी त कबो गाड़ी प नाँव. आजु के परिदृश्य पर बहुत मारक चोट करि रहल बा ई शेर.
देखते -देखत आइल केस में सफेदी I
हौले -हौले लागता बुढ़ापा नियरात बा I
बारि में आइल सुफैदी के बुढ़ापा से का रगड़ाई जी?... चौहत्तर के जवान निकहा कवनो पैंतीस के परुआ बूढ़ से ..!!! हा हा हा ..
भाई सतीशजी, दिल से कहीं त हम बहुत दिन पर कुछऊ अतना सहज बाकिर अतना गंभीर सुननी हँ. फेर-फेर हमार दिली दाद कबूल कइल जाओ. बहुत भरोसा के सबब बनल बा पहुँचा भर नियराइल राउर ई ग़ज़ल.
-
-
-
परम आदरणीय सौरभ जी, सबसे पाहिले त हम राउर दिल से, दिमाग से, ज़ज्बात से अउरी सरधा से धनवाद देब कि रउवा आपन बेसकिमति बखत निकाल के हमरा रचना पर देहलीं. शराबी फिल्म के एगो दृश्य में जयाप्रदा से अमिताभ कहले कि एक ही ताली में हज़ार गूंज सुनाई देही. रउवा एके टिप्प्णी में लाख टिप्पणी के असर बा, बहुत-बहुत धनवाद सर जी.
-
-
Permalink Reply by Rash Bihari Ravi on
-
bahut badhia sir ji man khush ho gail
-
-
-
jai ho guruji
-
-
Permalink Reply by Brij bhushan choubey on
-
niman rachana ...........badi nik ba |
-
-
-
शुक्रिया चौबे जी.
-
कृपया ध्यान दे...
आवश्यक सूचना:-
1-सभी सदस्यों से अनुरोध है कि कृपया मौलिक व अप्रकाशित रचना ही पोस्ट करें,पूर्व प्रकाशित रचनाओं का अनुमोदन नही किया जायेगा, रचना के अंत में "मौलिक व अप्रकाशित" लिखना अनिवार्य है । अधिक जानकारी हेतु नियम देखे
2-ओपन बुक्स ऑनलाइन परिवार यदि आपको अच्छा लगा तो अपने मित्रो और शुभचिंतको को इस परिवार से जोड़ने हेतु यहाँ क्लिक कर आमंत्रण भेजे |
3-यदि आप अपने ओ बी ओ पर विडियो, फोटो या चैट सुविधा का लाभ नहीं ले पा रहे हो तो आप अपने सिस्टम पर फ्लैश प्लयेर यहाँ क्लिक कर डाउनलोड करे और फिर रन करा दे |
4-OBO नि:शुल्क विज्ञापन योजना (अधिक जानकारी हेतु क्लिक करे)
5-"सुझाव एवं शिकायत" दर्ज करने हेतु यहाँ क्लिक करे |
Latest Blogs
Latest Activity
- Top News
- Everything
सदस्य टीम प्रबंधनSaurabh Pandey replied to Saurabh Pandey's discussion गजल : निभत बा दरद से // सौरभ in the group भोजपुरी साहित्य
"किसी भोजपुरी रचना पर आपकी उपस्थिति और उत्साहवर्द्धन किया जाना मुझे अभिभूत कर रहा है। हार्दिक बधाई,…"
"आ. भाई सुरेश जी, सादर अभिवादन। उत्तम दोहे रचे हैं हार्दिक बधाई।"
"आ. भाई सुशील जी, सादर अभिवादन। सुन्दर लघुकथा हुई है। हार्दिक बधाई।"
"नमस्ते जी, बहुत ही सुन्दर भोजपुरी ग़ज़ल की प्रस्तुति, हार्दिक बधाई l सादर"
सदस्य टीम प्रबंधनSaurabh Pandey added a discussion to the group भोजपुरी साहित्य
गजल : निभत बा दरद से // सौरभ
जवन घाव पाकी उहे दी दवाईनिभत बा दरद से निभे दीं मिताई बजर लीं भले खून माथा चढ़ावत कइलका कहाई अलाई…See More
"आदरणीय श्याम नारायण वर्मा जी सृजन के भावों को मान देने का दिल से आभार आदरणीय"
"नमस्ते जी, बहुत ही सुन्दर और ज्ञान वर्धक लघुकथा, हार्दिक बधाई l सादर"
"हार्दिक धन्यवाद आदरणीय मनन कुमार सिंह जी। बोलचाल में दोनों चलते हैं: खिलवाना, खिलाना/खेलाना।…"
"आपका आभार उस्मानी जी। तू सब के बदले तुम सब होना चाहिए।शेष ठीक है। पंच की उक्ति…"
© 2025 Created by Admin.
Powered by
