प्रसाद बुझी हम पीबी रहल छी (बाबा के गीत )

[kanta roy]

प्रसाद बुझी हम पीबी रहल छी ई जीवन दुःख बाबा यौ
नाम अहाँ के रटते -रटते ,करबै जीवन अंत यौ.......

प्रसाद बुझी हम पीबी रहल छी ई जीवन दुःख बाबा यौ

आहाँ केर नगरी सुन्दर नगरी ,कोना कय पेबई दरसन यौ
कोना -कोना कय हम निहारब ,आहाँक मुख चन्द्र यौ
छी हम बहुत अभागल आँहाँ ने भेलहुँ संग यौ.........

प्रसाद बुझी हम पीबी रहल छी ई जीवन दुःख बाबा यौ

सर्प विचरत अंग -अंग में , बदन चन्दन लेप यौ
साथी बसहा मुड़ी झुलाबे ,गौरी मुख मुस्कान यौ
ज्युँ हम होइतहुँ सेवक आँहाँके ,  होइतहुँ हम धन्य यौ.......

प्रसाद बुझी हम पीबी रहल छी ई जीवन दुःख बाबा यौ
नाम अहाँ के रटते -रटते ,करबै जीवन अंत यौ

मौलिक और अप्रकाशित

[जगदानन्द झा 'मनु']

वाह ! बड्ड नीक लिखलहुँ...